無數人，
去健身房的一年三百六十五日做著相同幾個動作，同一組數，同一重量。
去跑步的永遠跑著同一速度、同一距離、同一地點。
他們每天做著相同的事，卻期望不一樣的結果。
小朋友計一萬次1+1=2，他都祗會懂1+1=2。
重量訓練，同計數一樣。
四個原則，必須緊記。
1. 超負荷(Overload)-進行訓練強度比學員正常可以負荷的為高。「我呀囡幼稚園學識1+1後，老師俾5+7佢計，開始時佢唔知點計，但最後都計到，老師再出條12+15俾佢計，佢一開始梗係即刻話唔識啦！點知佢諗下諗下又計到！佢唔想用腦之嘛。」訓練中不斷挑戰比肌肉負荷為高的。就是訓練的超負荷(Overload)。
2. 漸進性(Progression)-當表現不斷提升，訓練強度也必須漸漸提高。帶著外孫的呀婆說：「我個孫依家小學二年班，二年班梗係學二年班應該學嘅嘢架啦，點會仲學番幼稚園嘅嘢又或者好似啲名校咁要學五年班嘅嘢嫁！要循序漸進家嘛！你想逼佢跳樓咩！」當肌肉變強時亦要増加訓練強度，就是訓練中的漸進性(Progression)。
3. 變動性(Variation)- 要表現提升，練習種類要多元化，否則當身體適應特定訓練或儀器後，進步會消失。隔離屋呀明仔講：「老師俾左好多方法教我哋加數呀！有1+1橫式計啦，又有直式計啦，又排數粒啦，又數橙數蘋果啦。我好快就學識加數喇！」對相同肌肉用不同方法訓練是提升表現的關鍵之一。這就是訓練中的變動性(Variation)。
4. 特定性(Specificity)- 一個特定訓練方法令運動員得到針對性適應，提升運動表現。文光的媽媽向你現身說法：「我個女上星期考加減數，結果100滿分佢攞得30分。原來個補習老師睇完一年級個課程目錄後淨係猛咁同佢認D立體圖形和平面圖形呀，激死！我即刻炒左佢。」肌肉訓練動作應盡量模仿運動項目動作，才能提升該運動項目表現。這就是訓練中的特定性(Specificity).
男要結實肌肉、女要緊緻線條、運動員要提升表現、上班族要改善精神、病癒人士要復康治療，工傷人士要職業治療，所有目的都離不開重量訓練。以上四個原則，最基本，亦最關鍵。
Search